Deur Michael Madyira
Orlando Pirates het opgeskiet na vierde plek op die Premier Sokkerliga-telbord nadat hulle hul grootste oorwinning sover die seisoen behaal het met ‘n 4-1 sege teen Stellenbosch by Orlando Stadion op Sondag.
Thabang Monare, Innocent Maela, Kermit Erasmus en Ndabayithethwa Ndlondlo het elk hul eerste PSL-doel van die seisoen vir Pirates aangeteken en in die proses hul span gehelp het om van die agtste plek af die ranglys te bestyg.
Die plaasvervanger Mervin Boji het Stellenbosch se troosdoel geskop met 15 minute speeltyd oor.
Stellenbosch staan doodstil in hul 14de posisie, en het nou hul verloorgang na agt wedstryde verleng.
Pirates het niks tyd gemors met hul aanval nie, nadat Monare met ‘n kophou Monnapule Saleng se vryskop verdoel het.
Stellenbosch het probeer reageer, maar Nkosinathi Sibisi en Tapelo Xoki het vinnig kragte saamgesnoer om vir Antonio van Wyk, wat deur kaptein Dean van Rooyen van die bal voorsien is, in sy spore te stuit.
Die besoekers se pogings om terug te veg is afgeweer toe die doelwagter Sage Stephens van sy lyn af tot op die rand van die boks gekom het – net om sy blokhou te mis. Die kruisskop van Xoki het uiteindelik in die pad van Maela beland, en dié het hom gemaklik die net-in lanseer.
Die feit dat hulle nou hul voordeel verdubbel het, het nie die Buccaneers kon keer nie. Maar Bandile Shandu is net ná die halfuurmerk deur die houtraam van sy doel ontneem.
Stephens het toe opgemaak vir sy vroeëre flater deur Maela, wat vanuit ‘n skerp hoek geskiet, het briljant te blok.
‘n Goed geposisioneerde Saleng het amper die rustydfluitjie geklop, maar sy skoot van die bors af het net-net oor die lat geseil.
Die Buccaneers het in die tweede helfte voortgegaan vanwaar hulle afgesluit het. Vier minute ná die afskop het Erasmus vir Athenkosi Mcaba gedraai, maar oor die lat geskop.
Uiteindelik het Erasmus sy liga-doeldroogte gebreek nadat hy aan die einde van ‘n Saleng-kruis gekom het om verby Stephens te skiet in wat sy laaste balkontak van die wedstryd sou wees.
Kort daarna het Ndlondlo se aanval van buite die boks vir Stephens oorbluf, en hy kon dus nog ‘n ligadoel op sy kerfstop plaas na hy vroeër die seisoen vir Marumo Gallants ‘n punt aangeteken het.
Pirates het sonder veel uitdaging van hul teenstanders te werk gegaan en plaasvervanger Terrence Dzvukamanja was naby die net, maar sy poging is deur ‘n besige Stephens gekeer.
Maar na dáárdie geleentheid het die gashere ontspan en Stellenbosch toegelaat om hul sin te kry, met die 19-jarige Boji wat sy eerste loopbaandoel aangeteken het.
Op die foto hierbo: Orlando Pirates het Stellenbosch Sondag by Orland Stadion met 4-1 verslaan
Fotobron: Orlando Pirates
