Khaya Ndaba
’n Township in Suid-Afrika is nie die eerste plek waar mens sou verwag om rock ‘n roll te hoor weergalm nie. Maar daai ding kan tjop-tjop verander.
Soweto het deur die jare ’n sterk rock-gevolg opgebou, ver van die dansklanke van amapiano, house en hip-hop.
Hierdie gemeenskap van jong punk, metal en alternatiewe rockers se invloed versprei met ’n spoed en kan nog deur die hele land uitkap dat die kranse antwoord gee.
Een van die dié opwindende geraasmakers is Dennis Ramashiga, 32, ’n Pimvillebewoner wat sy band, Dennis Express, in 2016 in die garage by sy huis begin het. Soos dit ’n ware rock ’n roller beaam, voel hy vere vir dié of dáái etiket. Hy speel wat hy lushet.
Musiek is maar een van sy talente. Hy is liedjieskrywer, visuele kunstenaar en kunsonderwyser.
“Ek beskou myself as ’n eklektiese kunsskepper wat songs skryf, skilder, foto’s neem musiek maak. Ek wil myself nie tot enige kunsvorm beperk nie. Ek wil kuns maak. Ek is gek daarna, in elke enkele vorm,” het hy vir Scolla.Africa gesê.
Dennis Express het al die verhoog met ander underground bands soos Iphupho Laka Bhiko, BCUC, Drain Brain Experience en Troggs-Wild Thing gedeel.
“Die rock underground scene in die hood is wild en dit groei. Ek sien jong fans van 17 en 18 wat elke Dinsdag by Sawubona Music Jam na ons kom luister, wat die spoed wys weerteen rock in die township groei,” het Ramashiga gesê.
Hy hoop dié generasie rock fans tel ’n kitaar of ’n stel dromstokkies op en gee die beweging momentum en ekstra woema.
Ramashiga se Dennis Express werk nou aan ’n projek wat in Augustus die lig sal sien.
Hy maak ook skilderye en gee fotografieklasse by die Market Photo Workshop in Newtown, Johannesburg.
Foto bo: Dennis Express op die verhoog
Foto verskaf
